今年學校要f1-f7 每人準備一本英文生字簿…一日一英文字…隨時檢查…-.-

由6/9 開始計而家有17日..即係話最小要有17隻英文字-.-

今朝早會副校無啦啦走上黎檢查~大半班無…大半半俾人罰企係度鬧…~_~

副校話:” 你班有無搞錯!! 諗住你地高班會最乖!!點知成大半班都無?? 連梁x你都無??(年年考第一o個個)好!!我今次俾面梁x你!!我聽日再黎check過!!你地班係精英中ge精英!! 年年會考都係呢班成績最釨!!讀緊呢班唔係要做到最好咩??點解咁曳架???”………………………長篇大論-.-

咁就曳架啦-.- 

走左之後我地班忍唔住笑..俾佢聽到..行返轉頭再鬧過-.-

小息發現原來我呢級..班班都俾人鬧..哈哈..仲要分晒類!!!

A班: 你地係未被遺棄GE一班

B班: 你地係未被遺忘GE一班

C班:你地係……(唔記得左~_~ )

D班: 你地係精英中GE精英

E班: 你地係精英中GE中上

好感謝梁同學你…副校俾面你..唔洗全班受罰-.-

副校好勁…邊班邊個考第一個記得~_~